أبصم بالعشرة شعبنا جبار ..

صراحةً شعبنا جبار بكل معنى الكلمة .. برغم الحصار وتشديد الخناق وبالتالي .. انقطع البنزين والسولار والكاز والغاز و …. هذا على صعيد المواد البترولية .. أما على صعيد المواد الغذائية وغيرها وغيراتها كتيييييييييير .. المهم اللي هتكلم عنو هان موضوع الوقود المستحدث “ السيرج “ يعني زيت القلي .. آه والله زي ما بقول استخدموا عنا الجماعة ومشيت عليه 3/4 سيارات البلد .. طيب شو نسوي يعني ما نروح جامعاتنا ولا وظايفنا ولا نروح عالسوق اللي هوا فاضي أصلاً .

المهم ومن غير ما نطول عليكم .. بالنسبة لزيت الطعام .. ” السيرج “ الناس  فرحت زي هيك ” هي هي هي واللي يكبر واللي ما بعرف شو ” وهي بديل عن البنزين .. لكن يا فرحة ما تمت طبعاً الشركةات المصنعة للسيارت لما صنعت السيارات ما أخدت بعين الاعتبار انه ممكن ينحط ” زيت قلي ” بدل البنزين أو السولار .. المهم كل سيارة شربت سيرج بعد أسبوع زمان والا هو رجع الزيت في زورها .قصدي يعني تعطلت … له له له له لا حول ولا قوة إلا بالله .. الظاهر إنو صاحب السيارة كان مستخدم زيت مقلي فيه سمك .. لو استخدم زيت مقلي فيه بطاطا كان مشي معاه قلق هههههههههههههههههه هه ه المهم يوم على يوم يا أخي بطلنا نقدر نتحمل الريحة بصراحة  دبحتنا .. ما أحلاك ماشي في الشارع بتشم شو ما بدك .. زيت سمك .. زيت بطاطا .. زيت كوسا .. زيت مش عارف شو .. يعني كل ما اشتهت نفسك بتلاقي خخخخخ .. واستمرينا على هالحال .. لفترة تتغزل رائحة الزيت المقلي بخياشيمنا غصب عنا ولا ها  مو بخاطرنا .. انسوا تكيييييييف ” بس زهقنا فطور وغدا وعشا مقالي . هعهعهعهعهع  

المهم .. كتير حكينا المهم .. نحول .( وبعدين ) المهم .. انو الآن تقريباً الآن الريحة خفت بشكل كبير لانو الحكومة منعت أي سيارة تمشي عالسيرج .. والحمد لله بعد ما أكدت المصادر الطيبة انها تسبب سرطان على المدى البعيد .. وحتى لو ما كانت تسبب سرطان على الاقل بطلنا نصل الجامعة دايخين والواحد  فينا زي الديك المشوي .. وما حد أكيد حيتفق معي إلا مين جرب .. والله لا يعيدها يا شيخ .. تحياتي ..

على فكرة لو حابب تضيف شي في اشي اسمو تعليقات تحت الموضوع على طول .. إحكي ولا يهمك .. عادي